Category Archives: Lëtzebuergesch schwätze léieren

Léieren, richteg Lëtzebuergesch schreiwen!

Advertisements

Lëtzebuergesch um T-Shirt

Posted on by

Doheem sinn am Haus vum Papp

Posted on by

E puer Stéchwierder par rapport zum Artikel: ‘Zu Hause sein im Hause des Vaters’ vum Paschtouer Frank Mertin:

D’Eltere setzen eis Grenzen, si probéieren op mannst. Lieft Erzéiung vu Grenzen? Et ass nëtzlech iwwer eis eege Grenzen als Mënsch nozedenken, sief dat materiell an imateriell Grenzen. Mir selwer setzen eis Grenze beim Iessen an Drénken; wéi vill Tëlee mer kucken a wat mer am Liewen erreeche wëllen.

‘Féier op mech um richtege Wee’. Et ass eng daagdeeglech Aufgab, de richtege Wee ze huelen; fir op d’Aarbecht, fir an d’Vakanz an de Wee dee mir an eiser Fräizäit huelen.

Als Baha’i gëtt Baha’u’llah mir eng Visioun mat enger flotter Zukunft. D’Institutioune vum Glawen hëllefe mer mat de grousse Richtungen. Ech awer muss d’Entscheedunge selwer huelen an dat ass d’Fräiheet. Kreativitéit gëtt encouragéiert an d’Berodung mat aneren erlaabt eis, zesummen op dësem Wee ze léieren, duerch Aktiounen, Reflektiounen, zesumme léieren an nei Aktiounen.

Mam Alter wiisst d’Bewosstsinn, das mer stierflech sinn. Oder geet eist Liewen, no dësem Liewen, an enger anerer Form weider? An dat ouni d’Limitte vun der Zäit an dem Espace.

Ass dat gréisste Verlaangeren net d’Verlaangeren, méi ze verstoen, d’Liewe besser an de Grëff ze kréien, nei Saachen an der Welt z’entdecken a kënnen eppes dozou bäidroen, d’Welt ze verbesseren?

Ongerechtegkeet mécht mech rosen an erwächt mech. Dat gëtt et dach net. Dat kann dach net sinn. Et ass en Opruff Mënsch ze sinn.

NO JUNK FOOD: E klengt Buch fir sech gesond duerch d’Liewen z’iessen, erausgi vu stop aids now a.s.b.l.

Posted on by

Eng gesond an equilibréiert Ernährung ass fir eis Gesondheet a Wuelbefannen onverzichtbar. Vill Leit hunn awer keen Zougang zu enger equilibréierter Ernährung. An dat aus verschidde Grënn: di eng hunn net di néideg finanziell Mëttelen, anerer hunn do wou se wunnen oder schlofe keng Méiglechkeet ze kachen oder Liewensmëttel ze konservéieren, an da gëtt et och déi Leit, di einfach net genuch Wëssen, Erfahrung oder Zäit hunn fir sech gesond ze ernähren.

Fir all deene Betraffenen an de Professionellen di se encadréieren déi Aufgab ze vereinfachen hu mir dëst Kachbichelchen erschafft. Et enthält Rotschléi, wie een sech och ënnert méi schwierege Bedingunge gesond ernähren kann an ganz einfach equilibréiert Rezepter fir déijéineg, di keng Stonnen an der Kichen verbrénge wellen, fir sozial benodeelegt oder méi vulnerabel xMënschen an och Leit ouni ënnerdaach.

Dëse Guide wennt sech och u Mënschen di mat enger Infektioun oder Ofhängegkeet liewen an geet op hir spezifesch Problemer a Bedürfnisser wat Ernährung ubelaangt an. Grad fir si spillt di richteg Ernährung eng grouss Roll an der Ënnerstëtzung vun hirem Imunsystem.

Am praktesche Täscheformat kann et iwwerall matgeholl ginn.

junk-food-lux.pdf