Merci RTL: EU-Komissioun: Wéi vill Pouvoir huet de Jean-Claude Juncker?

25ab0416a7f35c91a164a96d3f0e99f2.jpeg

EU-Komissioun: Wéi vill Pouvoir huet de Jean-Claude Juncker?

RTL – 16.07.2014, 12:23 – Fir d’lescht aktualiséiert: 16.07.2014, 12:44

E Lëtzebuerger ass neien EU-Kommissiounspresident. Mä wat ass d’Roll vun der EU-Kommissioun a wat genau muss de Jean-Claude Juncker maachen?

D’EU-Parlament huet um Dënschden de Jean-Claude Juncker als Kommissiounspresident designéiert an am Hierscht trëtt hie säi Mandat zu Bréissel un. Domat steet op en Neits e Lëtzebuerger un der Spëtzt vun der EU-Kommissioun.

D’Kommissioun huet hire Sëtz zu Bréissel a si huet un der Spëtzt 28 Kommissären. All Memberland schéckt ee Vertrieder op Bréissel. Ee Kommissär vertrëtt awer do keng national Politik, hien dierf dat esou guer iwwerhaapt net maachen. Hie muss onparteiesch an am Sënn vun der europäescher Unioun handelen.

D’EU-Kommissioun ass d’Exekutiv vun der europäescher Unioun an huet domat ähnlech Aufgaben wéi eng Regierung. Si huet d’Inititativ-Recht fir Direktiven a soss europäesch Gesetzer. Si muss och dofir suergen, datt europäesch Verträg agehal ginn a ka beim europäesche Geriichtshaff kloen, wann dat net de Fall ass.

Un der Spëtzt vun deem grousse Gremium steet de Kommissiounspresident, deen d’Ressorte verdeelt an och ee Kommissäre kann entloossen. All Kommissär huet also konkret Aufgabeberäicher an deenen e schafft an Initiativen hëlt.

De Kommissiounspresident ass de politesche Leader vun der Kommissioun a presidéiert och d’Sëtzungen. Donieft vertrëtt en d’EU op de G8-Sommeten an en ass u Grondsazdiskussiounen am EU-Parlament bedeelegt, grad wéi de Gespréicher tëscht Regierungen am Conseil vun der europäescher Unioun.

D’Kommissioun kënnt an der Regel eemol d’Woch zesummen an zwar Mëttwochs. All Direktiv a soss Texter gi vum zoustännege Kommissär presentéiert a mussen da vun der Ronn ugeholl ginn.

D’EU-Kommissioun ass och responsabel fir d’Vertriedung vun der EU no baaussen an huet een Aussebeoptraagten, den Aussekommissär a Vize-President vun der europäescher Kommissioun. E presidéiert awer och de Conseil vun den Ausseminister. Deemno eng duebel Kap, déi den Ament d’Catherine Ashton unhuet.

D’EU-Kommissioun, dat sinn awer net nëmmen 28 Kommissären mä ënnendrënner ass ee risege Beamtenapparat an deem 23.000 Leit schaffen. Deen ass a Generaldirektiounen a Servicer ënnerdeelt, déi sech ëm spezifesch Themeberäicher këmmeren oder speziell Aufgaben iwwerhuelen. Un der Spëtzt vun deene Generaldirektioun steet ee Generaldirekter an deen ënnerläit dem Kommissiounspresident. Des Direktioune formuléiere Gesetzestexter, déi awer réischt offiziell sinn, wann d’Kommissioun se ugeholl huet.

Den Job vum EU-Kommissiounspresident ass donieft net schlecht bezuelt. Et geet lass bei ronn 25.000 de Mount plus Zoulagen.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s