Walfer Bicherdeeg am Lëtzebuergeschcours

Walferbicherdeeg-jonk (4) Walferbicherdeeg-jonk (6) Walferbicherdeeg-jonk (2) Walferbicherdeeg-jonkD’Thema vun haut: d’Buch, d’Bicher

Wat kënnt dir zu deem Thema soen? Par rapport zu fréier, haut an an der Zukunft.

Ech liesen net vill Romaner, eigentlech guer keng. Als Kand hunn ech missen an der Schoul liesen an ech hat méi Liichtegkeet däitsch Bicher ze liese wéi franséischer. Lëtzebuergesch Bicher hunn ech bal keng gelies. Haut ass dat natierlech e bëssen anescht. Zënter e puer Joer liesen ech meeschtens englesch Bicher, well ech nees ugefaangen hunn ze studéieren. Ech liese quasi all Dag e puer Zeilen aus de Bahá’í Schrëften, an da liesen ech wëssenschaftlech Artikelen op Englesch zum Thema Léieren, Erzéiung, Soziologie, Kulturpsychologie, an Entwécklung. Ech denken dat wäert och an den nächste Joere sou weidergoen, och wann ech elo schonn owes besser mam Brëll liesen. Mäi Brëll vergréissert den Text einfach beim Liesen. Ech fänken och un, méi Texter um Internet ze liesen. Ech liesen och vill um Internet an e puer elektronesch Bicher mam Programm Kindle. Ech sinn awer net sécher op dat méi midd mécht wéi einfach e Buch ze liesen. Sécher awer ass et méi bëlleg!

An dir? Hei e puer Beispiller

Wéi ech 20 Joer al war, hunn ech all Woch e Buch gelies. Haut hunn ech keng Zäit fir Bicher wéinst de Kanner. Dat lescht Buch wat ech gelies hunn heescht Au revoir là haut, an huet de Prix Goncourt gewonnen. Haut kafen ech Bicher fir ze studéieren, den Ipad ass praktesch fir Bicher ze kafen, awer net fir ze liesen.

Als Kand (wéi ech jonk war) hunn ech vill gelies. An der Schoul an a menger Fräizäit. Ech hu Romaner an historesch Bicher gelies, op Franséisch an op Flämesch. Haut liesen ech vill Zeitungen.

Als Kand an als Jugendlech hunn ech vill gelies. Ech hunn all d’Bicher vum Jules Verne gelies, och déi griichesch Mythologien a Maiercher. Haut liesen ech manner awer ech interesséiere mech fir aner Saachen; d’Noriichten, d’Ekonomie an d’Medezin. Ech denken dass et manner a manner Bicher op Pabeier wäert ginn, a méi a méi Bicher am elektronesche Format.

Ech hat Chance dass mäi Papp an der gréisster rumänescher Dréckerei geschafft huet a konnt sou vill Bicher liesen. Ech hu mäi Papp ni gesinn e Buch liesen. Den Economist gëtt bal all Woch 100 Säiten eraus (erausginn).

Ech sinn e grousse Lieser. Ech liese léiwer wéi dass ech an de Kino ginn. Nohalteg Entwécklung interesséiert mech, a Bicher iwwer d’Natur. Fréier war d’Liesen deier well mir d’Bicher hu misse kafen. Haut an an der Zukunft gi se méi bëlleg, well d’Bicher disponibel a gratis um Internet sinn.

Ech hu virun allem (haaptsächlech) Hermann Hesse gelies. Ech liesen haut bal nëmme Kannerbicher vir (virliesen). An der Zukunft géif ech gär lëtzebuergesch Bicher liesen. Den nächste Mount fänken ech gär domat un (ufänken).

Wéi ech jonk war, konnt ech leider net vill Bicher liesen, ausser d’Schoulbicher. Meng Eltere hu souguer d’Zeitung net gelies. Et war Léift op den éischte Bléck, den Ufank vu menger Léift zu Bicher. Als Jugendlech, vun haut op muer, hunn ech Dag an Nuecht, bal zwee Deeg laang gelies.

Dës Iddi ass sécher flott fir all déi, déi op de Walfer Bicherdeeg waren. E Merci der Grupp vu Studenten am LSC, déi d’Texter geschriwwen hunn.

jean-marie nau, 11.2013

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s